MƏSULİYYƏT VƏ TEXNİKİ XİDMƏT ŞƏRTLƏRİ

Bu sənəd “BYTE” Məhdud Məsuliyyətli Cəmiyyəti (bundan sonra “Təchizatçı” adlandırılacaq) tərəfindən təqdim edilən "Tacir.PRO" proqram təminatı və ona daxil olan avadanlıq paketi ilə bağlı müəyyən hallarda Təchizatçının texniki və hüquqi məsuliyyət daşımadığını təsdiq edir.

1. Təchizatçının məsuliyyəti

• Proqram təminatının funksionallığı

Təchizatçı təqdim etdiyi proqram təminatının ilkin funksionallığını və təqdim edildiyi anda işlək vəziyyətdə olmasını təmin edir. Proqram təminatında hər hansı texniki nasazlıq və ya proqram xətası aşkarlanarsa, Təchizatçı bu problemi mümkün qədər qısa müddətdə aradan qaldırmaq üçün texniki dəstək göstərməyi öhdəsinə götürür.

• Avadanlıq quraşdırılması və ilkin sazlanma

Təchizatçı satdığı avadanlıqların düzgün şəkildə quraşdırılması və ilkin sazlanmasını həyata keçirir. Quraşdırma zamanı yaranan texniki problemlərin aradan qaldırılması Təchizatçı öhdəliyindədir.

• Təlim və texniki dəstək

Təchizatçı tərəfindən təqdim edilən proqram təminatı və avadanlıqlarla bağlı istifadəçilərə ilkin təlim təqdim edilir. Həmçinin, müqavilə müddəti çərçivəsində texniki dəstək xidmətləri göstərilir. Dəstək zəng və mesajlarla, həmçinin ehtiyac olduqda yerində texniki müdaxilə ilə təmin olunur.

• Məlumatların təhlükəsizliyi

Təchizatçı müştərinin məlumatlarının gizliliyinə və təhlükəsizliyinə hörmətlə yanaşır. Təchizatçı heç bir halda bulud xidməti alan müştəri məlumatlarını üçüncü tərəflərlə paylaşmır və kommersiya məqsədilə istifadə etmir.

• Yeniləmələr və təkmilləşdirmələr

Təchizatçı proqram təminatına dövri olaraq yeniləmələr və təkmilləşdirmələr təqdim edir. Bu yeniləmələrdə məqsəd proqramın daha funksional, sürətli və təhlükəsiz işləməsini təmin etməkdir. Müştəri ilə razılaşdırılmaqla, bu yeniləmələr quraşdırıla bilər.

• Müştəri məlumatlarının emalı

Təchizatçı müştəriyə aid məlumatların idarə olunmasında sadəcə texniki dəstək rolu oynayır və məlumat məzmununa birbaşa müdaxilə etmir. Hər hansı məlumat silinməsi və ya dəyişdirilməsi yalnız müştərinin razılığı və göstərişi ilə həyata keçirilir.

• Qanunvericiliyə uyğunluq

Təchizatçı tərəfindən təqdim edilən bütün proqram və xidmətlər Azərbaycan Respublikasının qüvvədə olan qanunvericiliyinə uyğun şəkildə fəaliyyət göstərir. Müştəri tərəfindən qanuna zidd fəaliyyət aşkarlanarsa, Təchizatçı texniki dəstək göstərməkdən imtina edə və bu barədə müvafiq tədbirlər görə bilər.

• Zəmanət və xidmət müddəti

Təchizatçı tərəfindən təqdim edilən proqram təminatına və avadanlığa zəmanət müddəti ərzində xidmət göstərilir. Zəmanət müddəti başa çatdıqdan sonra dəstək xidmətləri əlavə texniki xidmət müqaviləsi əsasında davam etdirilə bilər.

• Mübahisələrin həlli

Müqavilə çərçivəsində yaranan hər hansı fikir ayrılığı və ya texniki anlaşılmazlıq tərəflər arasında danışıqlar yolu ilə həll olunacaq. Razılıq əldə olunmadığı halda, məsələ Azərbaycan Respublikasının müvafiq məhkəmə orqanlarında baxıla bilər.

2. Təchizatçının məsuliyyət daşımadığı hallar

• İstifadəçi səhvləri nəticəsində yaranan problemlər

İstifadəçinin məlumatları silməsi, yanlış daxil etməsi, sistemin funksiyalarından təyinatdan kənar istifadə etməsi nəticəsində yaranan nasazlıq və məlumat itkisinə görə Təchizatçı məsuliyyət daşımır.

• Fiziki zədələnmələr və nasazlıqlar

Avadanlıqların su ilə təması, düşməsi, yanması və digər fiziki zədələnmələr, həmçinin nasaz enerji mənbələri səbəbilə baş verən nasazlıqlar zəmanətə daxil deyil və Təchizatçının məsuliyyəti xaricindədir.

• Şəbəkə, IP və digər konfiqurasiyası ilə bağlı problemlər

Avadanlığın lokal şəbəkəyə düzgün qoşulmaması, IP ünvanlarının dəyişdirilməsi, router və firewall məhdudiyyətləri, avadanlıq konfiqurasiyası dəyişməsi səbəbindən yaranan nasazlıqlara görə Təchizatçı məsuliyyət daşımır.

• Elektron kassa və digər üçüncü tərəf xidmətləri ilə inteqrasiya

Vergi orqanları və digər üçüncü tərəflərin API sistemlərində edilən dəyişikliklər nəticəsində baş verən inteqrasiya problemlərinə görə Təchizatçı məsuliyyət daşımır.

• Telegram bildiriş sistemində yaranan nasazlıqlar

Telegram platformasında və ya onun API mexanizmində baş verən dəyişikliklər, məhdudiyyətlər və ya müştərinin təqdim etdiyi hesabların, qrupların işləməməsi səbəbilə yaranan nasazlıqlar Təchizatçının öhdəliyində deyil.

• Antivirus və təhlükəsizlik proqramlarının müdaxiləsi

Antivirus, firewall və digər təhlükəsizlik proqramları tərəfindən proqram təminatının və onun komponentlərinin bloklanması, silinməsi və ya dəyişdirilməsi nəticəsində yaranan problemlərə görə Təchizatçı cavabdehlik daşımır.

• Uyğunsuz əməliyyat mühitində istifadə

Proqram təminatı yalnız Təchizatçının tövsiyə etdiyi əməliyyat sistemləri və texniki mühitdə işlək zəmanətlidir. Uyğunsuz və ya dəstəklənməyən sistemlərdə istifadədən doğan nasazlıqlar Təchizatçının məsuliyyət dairəsinə daxil deyil.

• Ehtiyat nüsxələrin olmaması

Məlumatların mütəmadi olaraq ehtiyat nüsxəsinin (backup) alınmaması və ya əlavə yaddaş qurğularında saxlanılmaması nəticəsində yaranan məlumat itkisinə görə Təchizatçı məsuliyyət daşımır.

• Parolların və giriş məlumatlarının paylaşılması

İstifadəçi adı və şifrələrin üçüncü şəxslərlə paylaşılması nəticəsində meydana çıxan hüquqi və texniki problemlərə görə Təchizatçı məsuliyyət daşımır.

• Texniki müdaxilələr

Təchizatçının razılığı olmadan proqram təminatına və ya avadanlığa edilən texniki dəyişikliklər nəticəsində yaranan nasazlıqlar üçün Təchizatçı cavabdehlik daşımır.

• Üçüncü tərəf sistemlərlə uyğunluq problemləri

Müştəri tərəfindən əlavə edilən proqram təminatı və ya avadanlıqlarla "Tacir.PRO" arasında yaranan uyğunluq və inteqrasiya problemləri Təchizatçının məsuliyyətində deyil.

• Server və hostinq problemləri

Müştəriyə məxsus server və hostinq platformasında baş verən bağlantı problemləri, məlumat itkisi və performans zəifliyi Təchizatçının texniki məsuliyyətinə daxil deyil.

• Kiberhücumlar və icazəsiz müdaxilələr

Viruslar, kiberhücumlar, sistemə icazəsiz giriş və digər kibertəhlükələr nəticəsində baş verən zərərlər Təchizatçı tərəfindən qarşılanmır. Avadanlıqların təhlükəsizliyi Müştərinin vəzifəsidir.

• Personal dəyişiklikləri və idarəetmə boşluqları

Müştərinin kadr dəyişiklikləri, yeni istifadəçilərin düzgün daxil edilməməsi və ya sistemə təlimsiz yanaşılması nəticəsində baş verən texniki problemlərə görə BYTE MMC məsuliyyət daşımır.